Apple на корисниците на iPhone 4 ќе им подарува маски кои би требало да го решат проблемот со сигналот...

По многубројните поплаки за квалитетот на врската, Apple во петокот објави дека на корисниците на iPhone 4 бесплатно ќе им обезбеди нови заштитни маски за нивните уреди до 30-ти септември.

Оние кои веќе купиле маска, трошковите ќе им бидат вратени, а на корисниците кои ниту по добивањето на нова маска не бидат задоволни со работата на својот телефон, ќе им бидат вратени парите. Жалбите и негативните коментари на корисниците влијаеле на падот на вредноста на акциите на технолошкиот гигант и со тоа се срушил неговиот углед. 

Директорот на компанијата Стив Џобс призна на прес-конференцијата дека новиот телефон "не е совршен". Apple продал повеќе од 3 милоиони iPhone 4 во првите три недели од претставувањето на новиот телефон на пазарот, но веднаш следеле жалбите од корисниците дека апаратот го губи сигналот за време на разговорот и без причина дека се рестартира.