И покрај постојаната продажба на новиот оперативен систем од Мајкрософт, Windows 7, компаниите и понатаму се лојални на "добриот стар" систем Windows XP, поради економската криза која влијаеше врз ивестициите во информатичката технологија...

Според проценките Мајкрософт, 74% од компјутерите во компаниите ширум светот го користат стариот, но ефикасен Windows XP. Мајкрософт соопштил во јуни дека секоја секунда во светот се продаваат по седум лиценци за својата нова корисничка програма, што изнесува вкупно 150 милиони лиценци од октомври.

Автоматското инсталирање на Windows 7 во новите компјутери е една од подобрите карактеристики, но компаниите сепак, не го прифатуваат масовно. И покрај интензивното поттикнување на компаниите од страна на Мајкрософт да се префрлат на Windows 7, професионалниот свет изгледа сеуште затворен кон најновата програма на таа компанија.