Британското министерство за одбрана го претставило прототипот на футуристичкото беспилотно летало, кое името го добило по келтскиот бог на громот, Таранис...

Иако се чини дека повеќе потсетува на летало од научно-фантастичните филмови, или серии, овој прототип навистина го претставува врвот на воената воздухопловна технологија. "Тоа е најдобриот дизајн и технолошка задача на нашата нација", изјавил британскиот министер за одбрана Жерард Ховарт.

Во проектот има инвестирано неверојатни 3 милиони работни часови, пред вчера да биде официјално претставен, а своите први тест летови, ќе ги започне на почетокот на идната година. Леталото е првенствено замислено како демонстрација на новите технологии и платформа за идните проекти на британското воено воздухопловство. 

Водечкиот принцип за проектот бил да се извади пилотот од авионот, како најслаба алка, а леталото да може да изведува комплицирани маневри, под голем гравитациски притисок, кое леталото може, но пилотот неможе да ги издржи. 

Леталото е изработено до компанијата BAE Systems и речиси е невидлив за радарите на Земјата. Дизајниран е за летање со висока брзина и голем радиус на движење, а во нејзиното тестирање ќе бидат инвестирани 170 милиони евра.

Леталото е наменето за надзор и извидување на непријателските полиња со помош на сензори, а планирано е и носење на одредени количини на оружје, вклучувајќи бомби и ракети.