Американската вселенска агенција на својата програма нема да има повеќе летови до месечината со човечки екипаж, но затоа на корисниците на интернетот им нуди симулација на такво патување...

НАСА овие денови лансираше видео игра наменета за оние кои сакаат да уживаат во улогата на астронаути. Наречена Moonbase Alpha, играта им сугерира на корисниците на интернет да се придружат на истражувачкиот тим кој се наоѓа на месечината во футуристичка база на јужниот пол на природниот сателит на Земјата.

"Само сте се вратиле од една експедиција и сведок сте на пад на метеорит кој ги довел во прашање виталните ресурси на базата", така почнува оваа игра наменета за љубопитните гејмери, исто така пред се и за идните астронаути на американската вселенска агенција.

Како што е објаснето од НАСА, целната група на играта се студентите. Агенцијата сака да ги заинтересира за иднината на вселенското истражување и да им ја прикаже технологијата која ја користат како и работните места кои ги нудат.