Овој викенд хакерите беа многу активни - нападнаа големи сајтови како YouTube и App Store...

Преку коментарите кои се објавуваат на Google видео сервисот - YouTube, хакери ги пренасочувале посетителите на друг сајт, или пак си ги информирале дека интернет ѕвездата Џастин Бибер починал. Хакерите ја искористиле безбедносната ранливост на XSS (cross site scripting), а зад нападите најверојатно стојат корисници на популарниот форум 4chan, велат од компанијата Google.

Што се однесува со виртуелната продавница App Store на компанијата Apple, виетнамскиот хакер Ngujen Tuat овој викенд извршил информациска пиратерија на кориснички налог, за да потоа со туѓи пари купува сопствени апликации. Тоа на крајот му овозможило апликациите што тој ги развил да се најдат на врвот на продажбата во App Store. Од компанијата Apple велат дека брзо реагирале и ги повлекле сите апликации на виетнамскиот хакер од своите продавници и дека ја нормализирале ситуацијата.