Компанијата Blizzard, производител на познатaта масовна онлајн игра World of Warcraft, објави дека во иднина може да се откаже од претплатата, која ја бара од играчите.

Раководителот на проектот World of Warcraft, Tom Chilton рекол дека во иднина веќе нема да биде логично да се наплаќа за играта.

Chilton се повикува на слични игри како Lord of the Rings Online, Company of Heroes и Dungeons and Dragons Online кои усвоиле алтернативен метод за добивање на приходи преку трансакциите во рамките на самата игра.

"Не верувам дека овие игри станаа бесплатни само за да ни конкурираат. Мислам дека тоа го направија, за да се натпреваруваат со некои игри за кои се плаќаше и се на исто ниво. Кога една од игрите ќе стане бесплатна, тогаш ќе украде дел од клиентите на другите. Претпоставувам дека тоа ќе се случи со Warcraft. Ако се појави друга игра од овој вид, не било логично да им се наплаќа на играчите", рекол Chilton и додал дека бесплатната игра не се очекува во блиска иднина. Во моментов 11,5 милиони луѓе во светот плаќаат, за да играат World of Warcraft онлајн.