Компонентите од кои е изработен новиот iPhone 4, чинат 187,51 долари, пресметала истражувачката компанија iSuppli.

Компанијата го анализирала моделот со 16 гигабајти меморија. Во сметката не се вклучени трошоците за производство, логистика, реклама, развој на софтвер и други дополнителни трошоци, забележува компанијата "Блумберг".

Најскап детал во уредот е екранот, кој е изработен од LG екран со течни кристали, кој има резолуција од 960х640 пиксели. Тој чини 28,5 долари.

Процесорот A4 од Samsung чини 10,75 долари.

"Gyroscope" произведен од компанијата STMicroelectronics, кој помага да се дефинира ориентацијата на телефонот во просторот, се проценува на 2,60 долари.

Претставниците на компаниите, чиј производи се користат во новиот iPhone 4, одбиле да коментираат.

За споредба: пред една година iSuppli направи слична студија за тогаш новиот на пазарот iPhone 3GS, чии трошоци беа 179 долари.

Во САД iPhone 4 се продава по цена од 199 долари за моделот со 16 GB меморија и 299 долари за моделот со 32 GB меморија. Купувањето на смартфон со таква цена подразбира и склучување на двегодишен договор со операторот AT&T, кој има ексклузивното право да ги опслужува iPhone на територијата на САД. При продажбата без договор, цената на iPhone 4 скока за неколку пати. На пример, во Франција цената на уредот без договор е 629 евра.

Во првите три дена откако е пуштен на пазарот, продадени се вкупно 1,7 милиони iPhone 4, објавиле од Apple.