Оваа година Toshiba прослави четвртина век од производството на лаптопи, а моделот Libretto од 1996 година сега доби наследник...

Libretto W100 има два екрани чувствителни на допир од седум инчи, кои се затвараат во куќиште. Примарниот екран е во горната половина, а секундарниот екран може да се користи како екстензија на примарниот или како виртуелна тастатура, пишува PC Magazine. Ако не ви треба тастатура, и двата екрани можете да ги користите како еден долг, или како два одвоени.

И двата екрани имаат резолуција од 1024x600 пиксели. Libretto W100 веројатно ќе стане популарен читач на е-книги, бидејќи може да се држи како вистинска книга и е многу лесен. Тежок е помалку од два килограми, а куќиштето е обложено со алуминиум. На куќиштето се наоѓа и USB порт и конектор за слушалки, а внатре Intel Pentium U5400 процесор и 2GB рам, а дискот доаѓа во две варијанти, од 320GB и 62GB SSD. Едно полнење обезбедува пет часа на работа. Toshiba Libretto ќе биде состапен во ограничени количини, а очекуваната цена ќе биде околу 1.000 долари.