Јужна Кореја го создаде првиот суперавтомобил, моделот "Spirra"...

Првиот од ваков вид автомобил на азиската земја е произведен од компанијата "Oullim Motors". Спортскиот автомобил е рачно изработен во цилиндрична форма од карбонски влакна.

Според креаторите на автомобилот "Spirra" на пазарот ќе се нуди во неколку варијанти, од 175 КС до 500 КС, така што најбрзиот од нив ќе забрзува од 0 до 100 km/h за 3.5 секунди и ќе постигнува максимална брзина од 315 км/ч.

Првиот модел на "јужнокорејската спортска гордост", како што некои веќе го нарекоа брзото возило, ќе биде промовиран кон крајот на летото.

Од "Oullim Motors" објавија дека цената на најбрзата "Spirra" ќе биде 149 078 американски долари.