Приходите кои ги остварува најпопуларната социјална мрежа Фејсбук се поголеми отколку што се претпоставувало...
Откако интернет дружењето доживеа експлозивен раст во последните години, Фејсбук, бележи приход од 800 милиони долари за време на 2009 година. Таквите податоци не чудат со оглед на фактот дека за само 6 години, колку што Фејсбук постои, успеа да привлече речиси половина милијарда корисници од целиот свет. Тие бројки сигурно ќе го зголемат апетитот на инвеститорите, вклучувајќи го Digital Sky Technologies, Microsoft Corp, Accel Partners, Greylock Partners.
Минатиот јули, член на управниот одбор на Фејсбук, Марк Андерсен рекол за Ројтерс дека се очекува тој сајт да оствари приход од околу 500 милиони долари. Меѓутоа, веќе во септември 2009 година, тој соопштил дека компанијата има позитивен паричен раст и дека генерира двојно повеќе пари за да ги покрие сите оперативни трошкови.
