Мајкрософт на саемот за видео игри Electronic Entertainment Expo, кој се одржува од 15-ти до 17-ти јуни во Лос Анџелес, ќе ја претстави новата верзија на својата конзола Xbox 360...
Станува збор за помала и полесна верзија од претходната конзола која содржи и повеќе функции. Xbox 360 од сега ќе биде компатибилен за системот за управување со игри без рачките Kinect, а во Америка ќе се продава по цена од 300 долари. Новата конзола е со црна боја, има хард диск од 250 гигабајти, бежична мрежа и два вентилатори. Претходната верзија имала само еден вентилатор кој создавал голема бука, за што беше критикуван од страна на корисниците. Новиот Xbox 360 во Европа доаѓа 16-ти Јули.
