Hовиoт модел на познатиот iPhone, iPhone 4G, се очекуваше да биде претставен синоќа лично од шефот на компанијата Стив Џобс на годишната конференција на програмерите во Сан Франциско.

Според последните предвремени информации новиот iPhone 4G е со нов, квадратен дизајн и можно е да биде пуштен на пазарот и во бела варијанта. Ќе има две вградени камери една од 5 мегапиксели за фотографирање и видео во HD формат и друга за видео разговори.

Уредот ќе има и нов оперативен систем iPhone OS 4.0, кој ќе овозможува истовремено исполнување на неколку задачи. Така корисниците ќе можат на пример да пуштаат пораки, додека слушаат музика на интернет.

Во оперативниот систем е вградена мобилна платформа iAd, што според експертите е знак за амбициите на "Apple" да ја завземе територијата и во секторот за мобилниот интернет.

Според аналитичарот на "Goldman Sachs" Роберт Чан, новиот iPhone најверојатно располага и со чувствителна на допир обвивка, слична на онаа која беше пуштена на крајот од минатата година, Magic Mouse.

Според шефот на кинескиот производител "Foxconn" Тери Гоу, екранот е професионална верзија на IPS/FFS LCD со максимална резолуција од 960х640, кои ќе го подобри квалитетот на сликата, а во исто време телефонот ќе биде за 33% потенок, што ќе овозможи батеријата да се зголеми со најмалку 19%, а нејзиниот животот да се продолжи.

Новиот iPhone 4G треба да се појави на пазарот во САД во почетокот на јули, засега цената останува непозната.

Аналитичарите не очекуваат големи изненадувања, но се согласуваат дека иновациите ќе го сместат на водечката позиција на пазарот за мобилни уреди.