Австралија најави покренување полициска истрага против компанијата Гугл, наведувајќи дека ги прекршува законите за приватност. Таа со тоа станува втората држава која покренува истрага против проектот на Гугл, Street View...
Истрагата треба да утврди дали вработените во таа компанија, снимајќи фотографии со реален приказ на улици на интернет (Street View), илегално собираат приватни информации преку безжични мрежи. Гугл минатиот месец призна дека по грешка собрал податоци преку безжични мрежи во повеќе од 30 држави, додека фотографирал улици за Street View, и додал дека станал свесен за тоа, дури откако германските власти покренале истрага.
