Работата на таблет компјутерот XO-3 е доста забрзана и се очекува првиот прототип на овој уред да се појави во декември 2010 година, две години пред планираниот рок...
Компјутерот е резултат на работата на организацијата "Еден компјутер за секое дете"(One Laptop Per Child), a основачот на организацијата Николас Негропонти истакнува дека цената на овој уред ќе изнесува 75 долари.
Тој рече дека уредот XO-3 ќе биде официјално претставен на CES саемот во 2011 година, и дека се работи за табла која ќе можат да ја користат децата веројатно во земјите во развој.
Овој компјутер ќе го придвижува ARM процесор а екранот најверојатно ќе биде девет инчи (23 центиметри). Прототипот ќе има стаклен екран, а целта на проектот е целиот уред да се направи од пластика, да биде нескршлив.
XO-3 за разлика од iPad на компанијата Apple ќе има отворен код. Моментално работи под Линукс оперативен систем, но во првите примероци треба да се користи Google Android.
