Ако се реализира, ова ќе биде една од најголемите финансиски инвестиции во ИТ пазарот годинава. Broadcom и Qualcomm се многу жестоки ривали и препознатливи брендови во полето на производство на чипови.
Прво беа само гласини, но сега се потврдува дека Broadcom навистина сака да го купи Qualcomm, за износ што изгледа како налудничав и нереален. Првите шпекулации се дека продажбата ќе биде за 100 милијарди американски долари, но изгледа дека износот може да биде и 130 милијарди долари, што би било доволно за раководството на Qualcomm да прифати.
