Facebook минатата недела објави финансиски резултати за третиот квартал во кој забележале приходи поголеми од 10 милијарди долари со профит од 4,7 милијарди долари. Како и секој квартал досега забележан е бројот на месечно активни и дневно активни корисници.
Извршниот финансиски директор на Facebook, Дејвид Венер, вели дека 10% од месечно активните профили се дуплирани, односно ги користат лица што веќе имаат отворено профили на оваа мрежа. Исто така, 2-3% месечно активни корисници имаат неавтентични профили на оваа мрежа и ги користат за спам пораки и други акти со кои ги прекршуваат правилата на мрежата.
