Вредноста на компанијата изнесува 225.1 милијарди долари...

Apple во среда го претекна Microsoft и според пазарната вредност стана најголемата технолошка компанија на светот. Вчера Apple постигна уште еден рекорд, а се работи за компанија која во деведесетите била на работ на пропаст. Вредноста на акциите на Apple во средата на њујоршката електронска берза Nasqad пораснале за 1%, а со тоа компанијата достигнала вредност од 225.1 милијарди долари.

Вредноста на Microsoft изнесува 222.7 милијарди долари, а вредноста на акциите вчера паднала за 2%. Во споредба со 2000 година, вредноста на акциите на Apple се зголемила за 10 пати, откако компанијата се пробила на пазарот со потрошувачката електроника. Нивниот успех се темели на паметниот телефон iPhone, уредот iPad и преносливиот компјутер MacBook.

Во меѓувреме Microsoft чиј оперативен систем Windows е вграден во 90% од сите компјутери, не успеа да го одржи растот на вредноста на компанијата во изминатите години, па вкупната вредност за 10 години паднала за 18%. Microsoft и понатаму ја задржува предноста пред Apple по остварениот промет, односно компанијата во изминатиот квартал остварила 14.5 милијарди долари промет, додека Apple оствариле промет од 13.5 милијарди долари.