Google тргна во "предвидување на иднината" па во пресрет на овогодинешниот избор на Евросонг, покренале специјална страница "Predictor", на која може се да се следи популарноста на претставниците од некои земји...

Врз основа на бројот на пребарување, Google има направено пресметка колку поединични поени може претставникот да освои во Осло. "50% од гласовите ги дава жирито, па неможеме да предвидиме какви ќе бидат нивните гласови", наведуваат од Google.

Прв на листата е германската претставничка Лена, која, според пресметката на Google, денес освоила 354 поени, а следува грузиската претставничка Софија Низхараџе (233 поени) и Теа Гарет која ја претставува Малта (119 поени). Потоа следуваат полскиот претставник Марчин Мрозинскии шведската претставничка Ана Бергендахл, на кои им припаѓаат ист број на поени (115 поени). Нашиот претставник Ѓоко Танески е на 32 позиција со 6 поени.