Phantom Ray е безпилотен борбен авион кој е последен во низата на шпионски летала од компанијата Боинг...

Процесот на изработка на прототипот и производството траело само две години. Распонот на крилјата е малку повеќе од 15 метри, а долг е околу 11 метри. Постигнува брзина од 990 км/ч, а борбениот радиус му е 2000 километри, пренесува Daily Mail.

Додека порано имало пилот кој го управува од земјата, сега Phantom е способен и сам да ги изведува операциите, велат во Боинг.

Фантом се темели на прототип кој компанијата го изработила за американската војска. Дизајниран е на начин да создава многу мал попречен пресек на радарот, со што постигнува радарска невидливост, на непријателската територија.

"Phantom Ray нуди опсег на тестирање на способностите на напредни технологии, вклучувајќи разузнавање, набљудување и извидување, потиснување на непријателот, противвоздушна одбрана, електронски напад и способност за самостојно полнење на гориво во воздух", рекол Денис Муленбург од Боинг.