Најновите проценки зборуваат дека за помалку од 18 месеци IP адресите за доделување на корисниците ќе почнат да недостасуваат...

После овој период, како што пишува BBC, доделувањето на Ip ќе стане ограничено, а прогнозите со букви и бројки го утврдуваат 9-ти септември следната година, како последен датум во кој компаниите и другите физички и правни лица ќе можат да земаат IP адреси. Сè што се наоѓа на интернет мора да има своја IP адреса, за да се осигура бараните податоци да ја пронајдат својата цел. Експертите тврда дека комплетниот простор резервиран за IP адреси, ќе биде во потполност исцрпен.

Исто така, експертите нагласуваат дека веќе се имплементира нова верзија, или алтернатива, но и предупредуваат дека компаниите и државите премногу бавно се префрлуваат на тој нов систем. Интернетот е направен за четвртата верзија на протоколот за доделување на адреси,  IPv4 (Internet Protocol addressing scheme), кој има простор за околу 4 милијарди Ip адреси. Неговиот наследник, оној кој го споменуваат експертите, IPv6 има трилиони адреси кои можат да се доделат на корисниците.