Неверојатното "Bugatti 57SC Atlantic" од 1936г. ги собори сите светски рекорди, откако беше продадено за сума помеѓу 30-40 милиони американски долари.

Претходни најскапи автомобили во историјата на човештвото беа "Ferrari 250 Testa Rossa" продадено за 12.2 милиони долари и "Ferrari 250 GTO" за 28 милиони долари.

Интересно во случајот на луксузниот Bugatti е тоа што сумата беше објавена, што е нетипично за ваков вид на продажби во кои се фрлаат огромни суми, бидејќи обично и купувачите и продавачите сакаат да ги задржат бројките во тајност.

Скапиот автомобил од почетокот на минатиот век е уникатен и вреден, бидејќи е единствениот кој останал во целиот свет и на времето бил опишуван како најфутуристичниот автомобил на сите времиња.

"Ова Bugatti е неверојатно убаво, одлично се држи на патот, има одлична визија и е единственото од ваков вид", рекол Лесли Кендал, одговорен на автомобилскиот музеј "Петерсон" во Лос Анџелес.

"Bugatti 57SC Atlantic" беше продадено од аукционата куќа "Gooding & Company".