Германската компанија Mercedes-Benz објави дека, новите подобрени модели "SLK Grand Edition", веќе ќе ги понуди на клиентите во Хонг Конг.
Во соопштението до јавноста, фокусот беше на уникатниот аеродинамичен дизајн, големите осумнаесет инчни тркала и затемнетите фарови. Покрај тоа, автомобилот ја зачуди публиката со воодушевувачкиот ентериер, сиво-црни седишта со целосно нов дизајн, кожен тапацир и нов вид на борд компјутер.
Од компанијата дополнија дека на пазарот ќе се најдат 2 нови модели, "Mercedes-Benz - SLK 200 K Grand Edition" кој ќе чини 535 000 долари и "Mercedes-Benz - SLK 300 Grand Edition" за цената од 619 000 долари.
