Кога ќе размислите за нова генерација на smartphone уреди, што прво ви паѓа на памет...?

Денес мобилните со екрани на допир можеби се сметаат технолошкиот врв, но како и секогаш, ништо не е готово, додека Јапонците не ја вмешаат својата експоненцијална имагинација, и не ја спроведат во реалноста. За што се работи? Лабораторијата во Токио, Ishikawa Komuro, успеала да развие таканаречен touchless (без допир) мобилен, односно негов прототип.

Неговиот главен и воедно револуционерен дел е супербрзата камера, која го следи движењето на вашите прсти, како кликови. Наведената камера снима во таканеречен high-frame формат, односно значително повеќе од стандардните 24 слики во секунда. Во неа лежи софтверски алгоритам, кој ја следи бинарната слика на прстите и проценува 3D движење, а може да и да се интерпретира и движење на прст, кој наликува на кликнување по маусот или тастатурата на компјутерот.