Повеќето млади Кинези користат мобилен телефон за пристап до интернет, покажува новата анкета во земјата.

Околу три четвртини од 195 милиони интернет корисници во Кина под 25 годишна возраст, или речиси половина од светското онлајн население, сурфале на интернет преку мобилен во 2009 година. Тоа е за 50% повеќе за споредба со претходната година. Мобилните телефони се покажаа најчестиот начин за пристап до интернет мрежата во Кина, според истражување на кинескиот информативен центар за мрежи (CNNIC).

Кинезите се меѓу најмногубројните мобилни претплатници во светот, повеќе од 765 милиони луѓе. Сепак, податоците покажуваат дека скоро 70% од тинејџерите во земјата користат десктоп компјутери, што значи дека многу од нив ги користат и двата метода за интернет врска.

Младите Кинези го користат веб просторот претежно за слушање и влечење на музика, компјутерски игри и гледање на видео клипови, велат од CNNIC.