Јапонскиот електронски гигант Sharp објави дека поради зголемената конкуренција во секторот, ќе започне со продажбата на 3D телевизорите уште во текот на летото.

"Ние ќе ги претставиме нашите 3D модели во месец Mај и ќе ги пуштиме во продажба пред почетокот на летната сезона", изјавил извршниот потпретседател на компанијата Masafumi Matsumoto.

На овој начин Sharp ќе се приклучи на конкурентите Samsung Electronics и Sony Corp, надевајќи се да заживее профитот, бидејќи силната конкуренција на пазарот ги намалува приходите.

Тридимензионалните телевизори ќе бараат носење на специјални очила.