Пешаците во францускиот град Тулуз во склоп на две неделниот пилот-проект, ќе пешачат по специјално дизајниран тротоар од кого ќе собираат електрична енергија...

Тротоарот го измислиле експертски тим на холандската компанија Jaap Van der Braak. Во тротоарот се изградени микро-сензори кои собираат енергија, што ја создаваат човечките чекори. Ова би можело собирање на електрична енергија во текот на денот и нејзино користење навечер кога на улиците има помалку луѓе. Тоа е електромеханички тротоар и е осетлив на притисок, односно чекори, поради што енергијата од движењето ја претвара во електрична енергија.

Тротоарот може да обезбеди 30 вати електрична енергија, што е доволно навечер да се обезбеди улично осветлување, а со тоа се намалуваат и емисиите на CO2 за една третина. "Се работи за експеримент, но овој систем е единствениот на светот, а во догледно време би можело да ни помогне да се олесни неговата примена и заштедата на електричната енергија во целиот град", рекол заменик-градоначалникот Александар Меркиел.