Финската телекомуникациска компанија "Нокиа" стартува во Кина нов сервис "Comes With Music", кој ќе им овозможува на корисниците слободно да симнуваат музика на мобилните телефони.

Финскиот производител ќе понуди на пазарот осум нови модели смартфони кои ќе ја имаат новата услуга и ќе им овозможуваат на музичките љубители да симнуваат песни слободно како на мобилни телефони, така и на персоналните компјутери.

Иновацијата треба да ја зголеми продажбата во Кина, кој е и најголемиот светски пазар за мобилни телефони.

Услугата вклучува над 5 милиони песни, сопственост на големи компании како "Universal", "Sony", "Warner" и "EMI". Според Нокиа услугата е лесна за користење и е достапна за широка палета на мобилни телефони.