Производителот на луксузни мобилни телефони Vertu пушти во продажба ограничена верзија на златни мобилни апарати, за да ја одбележи првата годишнина на продавниците во Токио.

Новите суперлуксозни телефони ќе бидат само четири и се крстени "Vertu Kinko", "Vertu Kikusui", "Vertu Nanten" и "Vertu Daigo".

Од компанијата објавиле дека новите апарати се рачно бојадисани и рачно составени, а нивните идни сопственици ќе имаат единствена можност да разговараат со домашни телефони во Јапонија целосно бесплатно.

Златните рачно изработени телефони Vertu ќе чинат 20 милиони јапонски јени или 215 000 американски долари.