Вo 2020 година повеќе од 60% од светската популација ќе живее во урбани области, па се очекува гратската инфраструктура, а посебно системот за превоз да биде под исклучителен притисок...

EN-V што е скратеница за Electric Networked-Vehicle (електрично мрежно возило), доаѓа како плод од соработката помеѓу "Џенерал моторс" и неговиот стратешки партнер Shanghai Automotive Industry Corp. Group.

Во прашање е електричен двосед дизајниран да ги реши проблемите на сообраќајниот метеж, слабата достапност на паркинг простори, квалитетот на воздухот и трошоците за одржување во градовите на иднината.

Трите изведби на EN-V- се изложени во Шангај, секој со сопствена способност. Jiao (гордост), Miao (магија), Xiao (смеа) се возила која ја покажуваат забавната страна на возењето во град, барем во теорија.

Освен минимизираниот радиус, возилото се карактеризира и со нулто загадување. Енергијата се црпи од Li-Ion батериите, кои овозможуваат брзина од 40 километри на час, а можат да се полнат со приклучување во домашен штекер.

EN-V тежи помалку од 500 килограми, долг е околу 1.5 метри и со тоа ги задоволува условите на урбана средина, и на возење или паркирање. Дополнителни атракции се комуникативни вештини.

EN-V "комуницира" со електрична мрежа за да утврди кога е најдобро време за полнење на батериите. КОмбинација од GPS системи, комуницираат меѓу возилата и сензорската технологија собира податоци од далечина, EN-V може да се вози рачно и со помош на автоматски пилот, кој повторно врз основа на информации за условите на патот во реално време, избира соодветен пат.