Oткако стана синоним за интернет, Google продолжува да го шири своето медиумско царство...
Според информациите на New York Times, Google и Intel ги здружиле силите со Sony за да создадат нова платформа која во моментов го носи името Google ТВ. Идејата на Google ТВ е да се донесе интернет на нова генерација на телевозори и ширење на нови пазари, на кои досега немале никакво влијание. Sony, како што тврди Times, во приказната се вклучил затоа што оваа компанија во последно време тешко се носи со конкуренцијата на хардверскиот пазар, која се побрзо се развива.
Google ТВ е замислен како нова интернет револуција : технологија која на телевизиските корисници ќе им овозможи едноставна навигација низ содржините на интернет, но исто така и разни веб апликации како Фејсбук или Твитер. Но и сега постојат напредни телевизии, преку кои можете да пристапите до интернет, но пристапот до содржината е ограничен. Google ТВ би требало да им овозможи на корисниците пристап до сите содржини на интернет. Оваа иновација на Google е базирана на системот Android, кој Google го користи за изработка на мобилни (смартфони) и ќе работи со чип од Intel кој се нарекува Atom. Првите прогнози велат дека пробната верзија на Google ТВ може да се појави ова лето!
