Две недели пред официјалната премиера на салонот за автомобили во Женева, Фолксваген ги објави првите официјални информации и фотографии од GTI изведбата на новата генерација на Polo модел...

Polo GTI го движи 1.4 литарски TSI мотор од 180 КС и максимален вртежен момент од 250 Nm, достапен меѓу 2.000 и 4.500 вртежи во минута. Овој мотор е поврзан со стандардниот 7-степенски DSG менувач со две спојки и со него Polo GTI до 100 км/ч ќе забрза за 6.9 секунди и максимална брзина од 228 км/ч.

Моторот на овој автомобил од 1.184 килограми во просек троши околу 6.0 л/100 км, а со цел подобро да се справи со  дополнителната енергија Polo GTI е опремен со XDS предна диференцијала со заклучување, унапреден систем за сопирање и подобрена суспензија. Кога станува збор за изгледот, новиот Polo GTI се огледува на поголемиот Golf. Доаѓањето на пазарот се очекува набргу по премиерата.