Американската корпорација Google подготвува програма за првиот мобилен телефон кој ќе може да преведува на странски јазик за време на разговорот...

...а системот за него ќе биде подготвен во следните неколку години, наведува британскиот весник "Тајмс". Разработувајќи ја постоечката технологија на гласот и преводот, Google може да придонесе за големи трансформации во комуникацијата на над 6.000 говорни јазици низ светот. Од Google веќе создале автоматски систем за превод на текст за компјутерите, кој постојано се подобрува преку скенирањето на милиони страници по интернет и документи на различни јазици.

Програмата за компјутери во моментов покрива 52 јазици, последниот е хаитски и креолски, кои беа додадени минатата недела. Во моментот IT - гигантот работи на комбинирање на двете технологии за добивање на софтвер способен да го препознае гласот на човек и да го предаде на странски јазик.