Кинезите уште еднаш докажаа дека даваат големи чекори напред, кон титулата за лидерска светска сила во економијата и иновациите...



Компанијата Winsun е специјализирана за изградба на куќи со помош на 3D технологија, така што во март минатата година „испишаа“ десет семејни куќи за само 24 часа. Од наша перспектива ова изгледа како невозможна мисија, но кинеските иноватори се многу сериозни за ова. Според голем број на предвидувања, тие ја градат иднината на овој начин.



Во истата компанија направиле уште поголем чекор, со тоа што ја „испишале“ првата станбена зграда на светот. Се работи за урбаната вила со пет спратови, која е целосно функционална и се наоѓа во „Suzhou Industrial Park“. Зградата е вселива и прилагодена со највисоките и најстрогите градежни и еколошки стандарди. Вкупната станбена површина на оваа 3D урбана вила изнесува 1.100 четворни метри, изградена со помош на принтер, 6.6 метри висок, 10 метри широк и дури 40 метри долг. Димензиите на овој 3D принтер се импресивни, исто како и конечниот продукт, кој го привлекува вниманието на архитектите од цел свет.