Љубителите на Apple или култниот Macintosh ќе посакаат веднаш да го имаат овој компјутер...



Концептот на компјутерот е комбинација од историјата и иднината. Macintosh е култно име во компјутерскиот свет и ИТ технологијата. Екипа иноватори од компанијата CURVED/labs одлучила да направи спој на компјутерскиот дизајн од минатото и модерните компјутери. Футуристичкиот дизајн на овој компјутер потекнува од Macintosh, кој предизвикал голем интерес. Технички, компјутерот е создаден врз основа на Macbook Air Apple лаптопот со 11 инчен екран, кој е замотан во прекрасно куќиште.

Кликнете тука за да го погледнете видеото, кое го претставува дизајнот на новиот модел на Macintosh.

Модерниот Macintosh може да се управува со глувче, тастатура или пак со допир на екранот. Тој има SSD диск со капацитет од 128 GB, i7 Intel процесор, со  верзија од 4 или 8 GB меморија. Куќиштето е изработено од материјали со врвен квалитет, кој се користи за Macbook, iPhone и iPad, со можноста за приклучок на 3.5 инчен диск, влез за SD картички, FaceTime камера, звучници, микрофон, WiFi, Bluetooth, USB 3.0. Вградената батерија ви овозможува да го користите било каде, што компјутерот го прави „хибриден“, бидејќи станува збор за лаптоп, кој изгледа како фиксен компјутер.



Достапен е во сребрена, сива и златна боја. Цената се уште не е позната.