Препознавањето на отчукувањата на срцето наскоро би можело да се употребува за отклучување на врати...



Исто така, може да се користи и за палење на автомобил, плаќање на сметка во продавница. Сето тоа со малиот уред „Nymi“, кој изгледа како нараквица и моментално е во развој.



Уредот е всушност паметна нараквица и го препознава идентитетот на нејзиниот сопственик, користејќи електрокардиограм (ЕКГ), односно ритамот на отчукувањата на срцето.



„Nymi“ содржи алгоритми, кои ги следат отчукувањата на срцето на личноста што го носи и така ги запамтува отчукувањата карактеристични за секоја личност. Тие карактеристични отчукувања ќе се користат како алтернатива за PIN кодови и други лозинки.



Најважно е што нараквицата ќе биде неупотреблива доколку некој ја украде, бидејќи сите податоци што ги содржи се бришат во моментот кога уредот ќе се откачи од раката на личноста што ја носи.