Samsung ги објави финансиските резултати за претходниот квартал, кои откриваат пад на приходите за 20% и голем пад на оперативниот профит од дури 60%...



Samsung е еден од најголемите мобилни компании, која забележа пад на испораките на паметни телефони од речиси 11% во споредба со истиот период минатата година, додека Apple, LG и Microsoft забележаа раст на бројот на испораки. Најголем раст имал кинескиот феномен Xiaomi. Оваа компанија ја нарекуваат „кинескиот Apple“, која во ова тримесечје има зголемување на испораката на паметни телефони за дури 267.3% во споредба со кварталот од минатата година, со што го зазема третото место на глобалниот пазар на паметни телефони.

Еден од начините на кои Samsung ќе се обиде да го спречи понатамошниот пад во продажба на телефони и пад на профитот, се иновациите. Во оваа компанија се уште веруваат дека мобилните со закривени екрани ќе доживеат успех, иако нивниот модел Galaxy Edge не привлече големо внимание со продажба.