Tesla е еден од ретките производители на автомобили, кој 100% се фокусира на производство на електрични автомобили...



Единствениот недостаток на овој автомобил е високата цена, но со оглед на тоа што пазарот на електрични автомобили почна да се буди, продажбата на Tesla автомобили полека но сигурно расте од година во година. Така минатата година се продадени 22.500 автомобили, додека годинава се планирани над 35.000 примероци.

За да ги поттикнат и другите производители да започнат со производство на електрични автомобили, Елон Маск истакнал дека Tesla ќе ги отвори патентите за јавноста. „Не сакаме да се пробиваме во џунглата и да поставуваме мини зад нас“, сликовито го опишал Маск својот план. Тој верува дека со овој потег драстично ќе ја забрза адаптацијата на електричните автомобили, што може и за нив да значи поголема продажба.

Инаку Tesla минатиот викенд ја лансира и британската верзија од автомобилот Model S, кој има волан на десната страна. Овој модел се покажал како многу квалитетен автомобили кој по забрзувањето е побрз и од Porsche, односно со едно полнење на батеријата може да издржи 480 километри. Цената на овој автомобил во Велика Британија изнесува 70.000 фунти.