Кинески масивен 3D печатач гради 10 еднокатни згради за еден ден - поевтина, побрза и посигурна алтернатива за традиционалните градби...



„Winsun Decoration Design Engineering“ ги изградиле овие куќи во Шангај со помош на четири џиновски 3D принтери, од кои секој е широк 10 метри и висок 6.6 метри. Со помош на мешање на цемент и градежен отпад ги градат ѕидовите слој по слој, со процедура слична на правење торта.

Деловите за 3D печатачот се увезени од странство, а џиновскиот печатач го составиле во најблиската фабрика. Тие велат дека ова е еколошки прифатлив и економичен процес на висока градба.

Освен намалувањето на времето потребно за изградба, се намалува и бројот на градежни работници, кои веќе не се изложени на опасни материјали.

„За изградба со природен камен треба да се вработи рудар, да се ископаат камени блокови и да се исечат на парчиња, со што и штетиме на околината. Затоа се надевам дека еден ден оваа технологија ќе се користи и за изградба на облакодери“, вели директорот на оваа компанија, Ма Џинхуа.