Уште од периодот на Леонардо Да Винчи луѓето сакале да летаат како птици, но се уште никој не успеал да изработи уред со кој би можело да се лета...



И покрај толку развиена технологија денес се уште не можеме да летаме на небото, но сепак имаме опција да летаме преку виртуелната стварност - преку „очите“ на Oculus, новата компанија на Facebook.

Студенти од швајцарскиот Универзитет за уметност од Цирих ја изработиле „Birdly“, новата инсталација која се поврзува со „Oculus Rift“, со различна апаратура, што овозможува симулација на летање на птица. Иако сето тоа заедно изгледа бизарно, овој проект е многу интересен. За да се зголеми вистинското чувство на летање, овој уред има вентилатор пред себе, кој се пушта зависно од брзината со која „летате“, а за тоа ќе мора да се погрижите со своите сопствени раце, мавтајќи со „крилјата“ во собата.