Истражувањето спроведено од компанијата „F-Secure“ носи поразувачки резултати за мобилниот OS на Google...



Овие резултати се од првиот квартал годинава, а според анализите на „F-Secure“ од 277 познати „семејни злокобни софтвери“, неверојатни 275 се однесуваат токму на Android, односно авторите на злиот софтвер целат исклучиво на апликациите што се за него. За iOS и Symbian е откриена само по една загрозена „фамилија“, која може да ја загрози стабилноста на оперативниот систем. Од наведените 277 категории дури 91% се однесуваат на malware апликации, додека останатите 9% отпаѓаат на таканаречените Potentialy Unwanted Apps (PUA), кои се „населуваат“ на одреден уред.

Резултатите се вакви затоа што Android е докажано најпопуларен мобилен оперативен систем, кој е инсталиран на најмногу уреди во светот. Иако е малку загрижувачка ситуацијата за оние што го користат, сепак не значи дека секој Android е заразен, но од сите тестирани апликации дури 14% содржеле некаков облик на лош софтвер, најмногу предизвикан со праќање на СМС пораки, преку кои се крадат податоци од сопственикот или се инсталираат дополнителни непосакувани апликации.

Овде можете за секој случај да ги прочитате правилата за како да избегнете проблеми, како и остатокот од официјалниот извештај.