Слични уреди досега сме виделе само на филмови, каде посебни екрани се склопуваат во една целина...



Така се добива цела слика, повеќе можности и повеќе податоци. Професорот Роел Вертегал и студентот Антонио Гомес, од Универзитетот во Кингстон го претставиле „PaperFold“ - новиот склопувачки паметен телефон, кој би можел да ја промени оваа индустрија.

„PaperFold“ овозможува креирање на повеќе облици од три посебни екрани, кои меѓусебно функционираат совршено, на едноставен начин - само ги спојувате еден до друг. Не само што може да се искористи како одлична алатка за карти, „PaperFold“ може да се искористи и како мини лаптоп.

„Во `PaperFold` секој екран работи посебно како дел од еден цел систем. Од друга страна овозможува извршување на задачи, за кои е потребен поголем екран или тастатура, задржувајќи го својот ултра компактен, ултра тенок и многу едноставен облик“, истакнува д-р Вертегал.

Овој уред автоматски го препознава обликот и ја прилагодува графиката, односно флексибилен е и функционира на начин што се акомодира на промените, т.е. додатоците. Во продолжение можете да погледнете кратко видео, кое ги прикажува можностите на овој интересен уред.