Facebook ја објави новата надградба на својата апликација Messenger, која содржи неколку нови опции и можности за праќање видео порака...



Facebook Messenger е поголем отколку што мислите. Пред неколку недели Марк Цукерберг истакнал дека моментално имаат 200 милиони активни корисници, што кажува дека Facebook е сериозна и огромна компанија.

Новата верзија 5.0 има поинаков интерфејс за праќање на видео пораки, фотографии и стикери. Две работи се истакнуваат најмногу во новата надградба, а тоа се „инстантните селфија“. Така во разговорот со одредена личност имате опција да кликнете на опција и да ја вклучите предната камера, при што на сликата од вас ќе ја прикаже на половина екран на вашиот уред. Со еден клик можете да се сликате и веднаш да пратите селфи слика - побрза и поедноставна верзија за разлика од Snapchat.

Втората работа е што отсега можете да праќате и видео пораки, но не можете да снимате директно од апликацијата, туку ќе мора да користите стандардна апликација на уредот, па потоа дополнително да ја испратите.

Стикерите се исто така едноставни за користење, па така кога некој ќе ви испрати стикер, се што треба е да кликнете и да задржите така, после што ќе можете да го преземете целиот пакет, кој подоцна ќе го користите во разговор со вашите пријатели.

Апликациајта е достапна на AppStore, а до крајот на неделата ќе биде достапна и за корисниците со Android уреди.