Мора да се признае дека Apple има добар оперативен систем, бидејќи очигледно е дека последната верзија е одлично прифатена од корисниците...



Според последните информации од Купертин, iOS 7 се користи дури на 85% од уредите на Apple. Во оваа статистика влегува и последната верзија на iOS 7.1, за која пак не постојат поединечни бројки за тоа колкав е нејзиниот удел на пазарот на оперативниот мобилен систем на Apple.

Според податоците од Apple App Store, iOS 7 забележал раст во споредба со првата објава, која Apple ја пласира во јавноста на 1 декември и според која оваа верзија држела 74% од пазарот. Тогаш iOS 6 држел 22%, додека во март падна на 12%, што е уште еден доказ за надградбата на голем број уреди со последната стабилна верзија. Една од причините за овие цифри за iOS 7 е фактот што Apple се потрудил да ја прилагоди поубаво оваа верзија на iPhone 4 мобилните, кои работат повеќе стабилно и солидно.