Mozilla Firefox 29 е моментално во Beta верзија, достапна за Windows, Mac, Linux и Android, а најголема новост е „испегланиот“ Firefox Sync, кој има поддршка за сите четири платформи...



Според Mozilla, Firefox Sync е „уште поедноставен за конфигурацијата и можете лесно и брзо да го подесите на сите ваши уреди“. Оваа услуга им овозможува безбедна обработка на податоците на корисниците, а воедно и поквалитетно ги синхронизира нивните фаворити - историјата на прегледаните страници и сите отворени табови.

Новиот Firefox носи и подобрувања во корисничкиот интерфејс, а за да знаете со какви подобрувања работи, можете да користите интерактивен водич, кој ве запознава со своите нови можности. Редизајниран е и делот кој им овозможува на корисниците целосно прилагодување, индивидуализација на изгледот и уште многу повеќе. Можеби и најважното од сите новитети кај Mozilla е што во новиот Firefox во голема мера е подобрена сигурноста, бидејќи е намален бројот на сервери, кои се користат за автентификација, авторизација и снабдување со корисничките податоци, со што е намален и просторот за потенцијални хакерски напади.

Новата Firefox 29 Beta можете да ја преземете на овој линк.