Иницијативата за воведување на ист полнач за мобилни, паметни телефони и останатите преносни уреди започна во 2012 година, но никогаш не се реализира до крај...



Се чини дека дојде тој момент, од Европскиот Парламент е соопштено дека е дадено согласност за воведување на ист полнач за преносни уреди, вклучувајќи горенаведените, но и камерите, уредите за репродукција на музика и слично. Според ЕУ, досегашниот „хаос“ во овој сегмент на потрошувачката електроника бил вистинска „тешкотија и фрустрација“ за корисниците, што воопшто не е далеку од вистината.

„Моменталната некомпатибилност на различните производители, уреди и нивните полначи е вистински ноќен кошмар за потрошувачите. Новата директива ќе го прекине тој ноќен кошмар, ќе започне нова ера, а воедно ќе резултира со намалување на електронскиот отпад, што е многу важна ставка“, изјавила Барбар Вејлер, преговарач во Европскиот Парламент.