Google го лансира Drive пред две години, cloud сервис, кој на многумина им стана место за складирање и размена на податоци...



За да стане повеќе конкурентен на пазарот, Google драстично ги намали цените на Drive, но бесплатната верзија се уште останува 15 GB, што е сосема доволно за некои основни документи и слики.

Сега за 1.99 $ несечно можете да добиете простор од 100 GB, додека за истиот капацитет претходно чинеше 4.99 $. Поголемиот пакет од 1 TB претходно чинеше 49.99 $, а сега можете да го добиете за 9.99 $. Последната верзија на 10 TB+ започнува од 99.99 $ месечно, а ако се запрашате што и колку ќе собере на 10 TB, Google тоа го опишува на едноставен начин: „сосема доволно за секој ден да прикачувате по една `selfie` фотографија во идните 200 години и сепак да ви остане место за некои важни работи“. Повеќе информации за ова можете да најдете на нивната официјална веб-страница.

Во споредба со Google, Dropbox веќе нуди 100GB+ за 9.99 $ месечно, а бесплатната е само 2 GB, со плус екстра простор ако повикате пријатели.

Значи, како што може да се види, имате избор, само треба да се одлучите кој сервис сакате да го користите.