Донг Нгујен, девелоперот која ја создаде мегапопуларната игра Flappy Bird, изјавил за Rolling Stone дека размислува за враќање на играта на App Store...



Во времето кога била на App Store Нгујен заработувал по 55.000 долари дневно, па многу брзо одлучил да ја отстрани играта од App Store, бидејќи се соочувал со голем притисок. Се шпекулира дека од Nintendo подготвувале тужба против него, му биле испраќани заканувачки писма, не можел да јаде и дури размислувал за самоубиство.

Иако виетнамскиот програмер одбил голем број на понуди за продажба на играта, одлучил да ја задржи играта за себе, бидејќи и денес добро заработува од оние кои се уште ја играат и наводно се работи за цифра од неколку десетици илјади долари, но не е познато дали е на дневна или месечна база. За Rolling Stone изјавил дека размислува за враќање на играта без нови опции, но со особено внимание „Ве молиме направете пауза“, а тоа се разбира се однесува на фрустрираните корисници, кои не можат да го постигнат посакуваниот резултат.

Нгујен ја напуштил својата работа и се посветил на развојот на нови игри, па така наскоро можеме да ја очекуваме новата игра Kitty Jetpack и шаховската игра Checkonaut, кои би требало да излезат овој месец.

Подготвени за нова доза на Flappy Bird?