Без оглед на бројните критики, Microsoft се уште е доминантен на глобалниот пазар, држи огромен дел од пазарот за оперативни системи за персонални компјутери...
Според најновите податоци за февруари 2014, оперативниот систем на Microsoft го држи 90,84 % од светскиот пазар на оперативни системи. На второ место е Mac на Apple со 7,68 %, додека третата позиција ја зазема Linux, чиј удел на пазарот е 1,48 %.
Сепак работите во Microsoft не се одвиваат според посакуваната насока, поради фактот што со нивната нивната најнова верзија Windows 8 (6.38 %) и Windows 8.1 (4.30 %) имаат сосема мал дел од пазарот. Најпопуларна верзија е се уште Windows 7, која има речиси половина од вкупниот број на оперативни системи на Microsoft, односно 47,31 %, а најинтересно во овој случај е што Windows XP се уште добро се држи (29,53 %), кој ќе се "пензионира" месец дена.
