Како што претходно се шпекулираше, паметниот часовник на Samsung нема да има Android, туку ќе работи со новиот Tizen оперативен систем на Samsung...



Новиот Samsung Gear 2 доаѓа во две верзии, една богата со функции и една послаба верзија.

Gear 2 и Gear 2 Neo ќе бидат компатибилни со неколку уреди на Samsung веднаш уште на почетокот, но нема да работи како конкурент на Sony SmartWatch 2, кој работи со било кој Android 4.0 уред. Двата часовника имаат самостоен музички плеер, кој може да се поврзе со Bluetooth слушалки. Исто така, уредот дава увид во функционирањето на срцето, а можно е да се вклучат и неколку различни начини за вежбање.

Повеќето опции се задржани од претходната верзија, па така се уште можете да одговорите на повиците, да ги погледнете известувањата, а камерата е вградена на самиот часовник, додека Neo верзијата нема камера.

Gear 2 има 1GHz dual-core процесор и е полесен и потенок во споредба со неговиот претходник, кој имал 800MHz и едно-јадрен процесор.

Се шпекулира дека уредот ќе оди во продажба во април оваа година, но цената се уште е непозната.