На овој начин Google заедно со партнерите на проектот, сака да охрабри идните научни ѕвезди, креативни и амбициозни кои сакаат да го променат светот...



Натпреварот за Google Science е наменет за ученици 13-18 години од цел свет, а партнери на Google за овој интересен проект се Virgin Galactic, Lego Group, National Geographic и Scientific American. Пријавувањето може да го извршите веднаш, со можност да се регистрираат поединци или тимови, чија единствена "задача" ќе биде да го претстават својот проект или експеримент, па така да ги заинтригираат судиите, кои во неколку круга ќе ги изберат најдобрите.

Главната награда е 10-дневна експедиција на Галапагос, на бродот на National Geographic, а тука е и VIP турнејата на Virgin Galactic, во Ново Мексико, со дополнителни 50.000 $ за стипендии, односно награди од 10.000 $ за училиштето од кое доаѓа победникот, за да можат да ја купат најновата научна и лабораториска опрема. Наградите ќе им бидат доделени на 15 финалисти, ќе има и дополнителни признанија.



Крајниот рок за доставуавње на проектите, односно апликациите е 12 мај 2014, Google потоа ќе ги објави регионалните победници во јуни, следуваат две финални рунди, првата во август, а потоа големото финале во септември.

Што е всушност Google Science Fair и какви се правилата за пријавување, можете да погледнете во приложените видео материјали, а апликацијата можете да ја најдете тука.